Komisioni i Etikes ne FSHF i ka hequr Skenderbeut titullin kampion 2015-2016 dhe i ka hequr 12 pike nga renditja e sezonit qe sapo perfundoi. Kjo renditje nuk e rrezikon pjesemarrjen e Skenderbeut ne Europa League. Njëkohësisht, korçarët janë ndëshkuar me 2 milionë lekë gjobë.
Por, titulli i 2016 nuk i eshte dhene Partizanit. Me sa duket, eshte perdorur precedenti i Italise ku “scudetto” i 2005 ka mbetur pa fitues pasi ju hoq Juventusit.
Rreth orës 13:00, nga salla ka dalë anëtari i këtij komisioni, Agron Kuliçaj i cili më pas është larguar nga ambientet e FSHF-së ndërsa anëtarët e tjerë vazhdojnë të diskutojnë çështjet në shqyrtim.
FSHF ka publikuar vendimin e plotë:
Klubi i Partizanit, që nga momenti kur Skënderbeu u dënua nga UEFA dhe të kuqtë zunë vendin e korçarëve në Ligën e Kampioneve, kërkon që t’i njihet atij titulli kampion në edicionin në fjalë. Mirëpo vendimi i sotëm i marrë nga Etika specifikon vetëm që Skënderbeut i është hequr titulli kampion, por jo nëse ai i shkon Partizanit apo nëse do të mbetet vakant.
Në fakt, Komisioni i Etikës nuk e ka një kompetencë të tillë, ndaj duhet që organet disiplinore të FSHF-së, të mblidhen për një vendimmarrje në bazë të masave të saposhpallura. Të kuqtë kanë bërë të qartë se në rast dënimi të Skënderbeut, do të kërkojnë nga FSHF-ja edhe dëmshpërblimin prej 260 mijë eurosh që u jepet nga UEFA të gjitha skuadrave kampione që nuk arrijnë në fazën në grupe të Ligës së Kampioneve.